Download Firefox
Download Firefox

Monday, Sep 23rd

Last update10:45:00 AM GMT

Profile

Layout

Direction

Menu Style

Cpanel
You are here Home

Feugiat convallis turpis massa ligula sagittis enim aliquet fringilla orci pretium. Ut Aenean Vestibulum suscipit eros pede et nibh laoreet Pellentesque mus. Aliquet ultrices dictumst justo justo tortor vitae nisl nec sem.

П.Өлзийбуян: ЭЛСЭГЧИД ТЭТГЭЛЭГИЙГ ГОЛЛОН СОНИРХОЖ БАЙГАА НЬ АЖИГЛАГДДАГ

  • PDF

Ховд Политехник коллежийн сургалтын үйл ажиллагааны

тухай сургалтын албаны дарга П.Өлзийбуянтай ярилцлаа.

 

Kollej Ulziibuyan

-Сургуулийнхаа сургалтын үйл ажиллагааныхаа тухай ерөнхийд нь танилцуулах уу?

-2013-2014 оны хичээлийн жилд манай сургууль 1234 оюутантай, 71 багш, 51 ажиллагсад, 8 удирдах ажилтантайгайр сургалтын үйл ажиллагаа явуулж байна. Ер нь бол боловсон хүчний бүрэлдэхүүний хувьд 116 багш ажиллагсадтай, үүнээс 71 нь багш, 10 нь удирдах ажилтан, 37 нь үйлчилгээний ажилтан байгаа. Багшлах боловсон хүчнийг эрдмийн зэрэг цолоор нь авч үзвэл: Доктор 1, магистр 22, бакалавр 36, дипломын боловсролтой 12 багш бий. Нийт багш нарын 30 хувь нь эрдмийн зэрэг цолтой. Мэргэжлийн зэргийн хувьд тэргүүлэх 6, заах аргач 38 багш байгаа.

-Энэ хичээлийн жилд 1200 гаруй оюутан элссэн гэж байна. Өмнөх жилтэй харьцуулахад өссөн үү, буурсан уу?

-Өмнөх 2012-2013 оны хичээлийн жилд манайх Оюунтолгойн төслийн сургалтанд хамрагдасдыг оруулаад 1718 оюутантайгаар сургалтын үйл ажиллагаа явуулсан.

Оюу толгойн төслийн сургалтанд хэдэн суралцагч хамрагдсан бэ? 300 хүн хамрагдсан. Энэ жилийн хувьд манай элсэлтийн тоо энэ 300 хүнийг оролцуулахгүйгээр 200-гаад оюутнаар буурсан харагдаж байгаа байх

-Элсэгчдийн тоо буурах болсон нь юунаас шалтгаалсан гэж үзэж байна вэ?

- Манайд мэргэжлийн боловсрол эзэмшиж буй 24-ээс доош насны оюутнууд тэтгэлэг авдаг. 24-ээс дээш насныхан болохоор тэтгэлэгт хамрагддаггүй юм. Үүнээс шалтгаалаад хэдийгээр хэрэгцээ шаардлага байгаа ч гэсэн 24-ээс дээш насныхан элсэх нь бага байдаг. Бид түншлэгч байгууллагаас тавьж буй санал мөн тодорхой судалгааны байдлыг харгалзан, тэтгэлэггүйгээр 1 жил суралцаад ажлын талбарт гарах зориулалтаар элсүүлэн сургах элсэгчид буюу мэргэжлийн сургалтын төрлийн элсэгчдийн тоог нэмж, тэтгэлэгтэй элсэгчдийн тоог тодорхой хувиар бууруулсан. Яагаад гэвэл нийгэмд ийм хэрэгцээ их байна. Сургууль төгсчихсөн ажилгүй залуус, иргэд олон байна шүү дээ. Тэднийг мэргэжил эзэмшүүлээд гаргавал ажлын байр жилээс жилд нэмэгдэх хандлагатай болоод байгаа. Гэтэл дахиад л энэ төрөлд хүмүүс цөөхөн элслээ. Энэ нь юунаас шалтгаалж байна гэвэл хүмүүс тэтгэлэг степендтэй л гэвэл тэр зүг рүү хошуурдаг, тийм биш гэвэл дурамжхан ханддаг явдал байсаар байна. Оюутнууд манайд элсэж суралцахын тулд тэтгэлэгтэй юу л гэж асуудаг юм. Энэ онд мэргэжлийн сургалтын төрөлд элсэгчдийн тоо төлөвлөснөөс нэлээд доогуур байгаа нь бас л үүнтэй холбоотой. Учир нь манайх энэ төрлийн элсэгчдэд тэтгэлэг олгохгүйгээр үнэгүй суралцуулдаг бол Оюутолгой төслийн хүрээнд явагдаж байгаа сургалт нэг суралцагчид сард 190000 төгрөгийн тэтгэлэг олгодог. Тиймээс сонирхсон хүмүүс нь бүгд тийшээ хошуурч байна. Түүнд багталгүй үлдсэн нь л манайд элсэж байна гэсэн үг.    

-Техникийн боловсрол, мэргэжлийн боловсрол, мэргэжлийн сургалт гээд ангилаад байгаагийнхаа ялгаа заагийг тайлбарлахгүй юу?

-Техникийн боловсрол гэдэг маань ерөнхий боловсролын сургууль төгсөгчид 3 жил суралцаад дипломын дээд боловсролтой болно гэсэн үг. Мэргэжлийн боловсрол нь 2.5 жил тэтгэлэгтэйгээр суралцаад бүрэн дунд боловсролын үнэмлэхтэй бас мэргэжлийн үнэмлэхтэй төгсөнө. Мэргэжлийн сургалт гэдэг нь насанд хүрэгчдийг элсүүлж 1 жил сургаад зөвхөн мэргэжлийн үнэмлэхтэй мэргэжлийн зэрэгтэй төгсгөдөг сургалт юм.

-Танай коллеж энэ хичээлийн жилд хэдэн төрөл мэргэжлээр сургалт явуулж байна?

-Энэ хичээлийн жилд нийтдээ 23 төрөл мэргэжлээр сурггалтын үйл ажиллагаа явуулж байгаа.

-Сургалтын үйл ажиллагаатай холбоотой нэг зүйлийг сонирхоход Баруун бүсийн Мэргэжлийн боловсрол, сургалтын төсөл гэж хэрэгжиж байгаа гэсэн энэ төслийн хүрээнд ямар ажлууд хийгдэж байгаа юм бэ?

- Энэ төсөл нь баруун бүсийн Ховд, Баян-Өлгий, Увс, Говь-Алтай, Завхан, Баянхонгор зэрэг 6 аймагт 2012 оны 11 сараас эхлэн 2 жилийн хугацаатай хэрэгжиж байгаа. Төслийн хүрээнд Хөдөлмөрийн зах зээлийн судалгааг гаргах, жимс, жимсгэнэ, хүнсний ногоог боловсруулах, хадгалах, савлах үйлдвэрлэлийн мэргэжлийн ЧСС- хөтөлбөр боловсруулах, тухайн төрлийн үйлдвэрийн тоног төхөөрөмжийг нийлүүлж суурилуулах, мэргэжлийн дадлагын сургалтын байрыг засварлах мөн хөдөлмөрийн яармаг, туршилтын сургалт зохион байгуулах, удирдлагыг чадавхижуулах сургалтууд явуулах, нарийн мэргэжлийн багш бэлтгэх ажлууд хийгдэх юм.

-Төслийн явц ямар байна?

- Жимс, жимсгэнэ, хүнсний ногоог боловсруулах,чиглэлийн сургалтын хөтөлбөрийг боловсруулж дууссан. Энэ төрлийн тоног төхөөрөмжөөр хангах зориулалтаар 100 сая төгрөгийн хөрөнгө оруулалт хийгдэх юм. Ажлын байрыг нь засварлах ажил хийгдэж байгаа. Удирдлагыг чадавхижуулах сургалтууд графикийн дагуу явж байна. Бусад ажлууд цаашид төлөвлөсний дагуу хэрэгжинэ.  

-Ярилцсанд баярлалаа. Та бүхний ажилд амжилт хүсье.

 

                                                          Ярилцсан Г.Үнэнтоль          

Хүнд машин механизмын оператор мэргэжлээр анх удаа 29 мэргэжилтэй ажилтныг бэлтгэжээ

  • PDF

Hund mehanizmiin simulyator laboratori 03

Танхимд сууж байгаад хүнд машин механизмуудыг бүрэн хэмжээгээр ажиллуулж, жолоодож сурах бололцоо нээгдсэний үр шимийг өнгөрсөн 2012 онд 29 төгсөгч хүртэж, энэ төрлийн мэргэжил ээзмшиж төгсчээ.

Танхимд сууж байгаад уул уурхай, зам барилгын үйлдвэрлэлийн нүсэр том машин механизмуудыг жолоодож ажиллуулж сурна гэж юу байхав дээ хэмээн уншигч та гайхаж магад. Гэтэл орчин үеийн технологийн дэвшлийн үр дүнд ийм боломж нээгдэж, бүүр манай мэргэжлийн үйлдвэр сургалтын хөтөлбөрт биеллээ олсон байна.

Танхимд суурилуулсан симулятор буюу сургалт дадлагын електрон төхөөрөмж дээр суралцагсад дадлагажиж, 5 төрлийн хүнд машин механизмийг жолоодож ажиллуулж, үйлдвэрлэлийн орчинд ажиллаж байгаатай яг адилхан даалгаврууд гүйцэтгэнэ.

Hund mehanizmiin simulyator laboratori 02                 Ингэснээр бараг л үйлдвэрлэл дээр ажиллаж дадлагажсантай ялгаагүй хэмжээнд суралцаж чадна гэсэн үг.

“Ховд” политехник коллежид 2012 оны 2-р сард АНУ болон Монголын Мянганы сорилын сангийн хөрөнгө оруулалтаар энэхүү лабораторийг байгуулж өгсөн ба тухайн оныхоо намар шинэ ангид элсэлт авч 29 суралцагчийг ийнхүү амжилттай сургаж, төгсгөсөн тухай мэргэжлийн багш Д.Дамдинсүрэн, С.Ширбазар нар ярьж байна.

Төгсөгчид нэг жилийн хугацаатай суралцаж, тухайн мэргэжлээр 2, 3, 4 дүгээр зэргийн үнэмлэх авах боломжтой ба бульдозер, эксковатор, скрепер, хүнд даацын өөрөө буулгагч, хүнд даацын дугуйт ачигч гэсэн 5 төрлийн механизм дээр бүрэн хэмжээгээр ажиллаж сурдаг байна.      

Hund mehanizmiin simulyator laboratori 01

Суралцагсад танхимд ийнхүү технологийн хамгийн сүүлийн үеийн шийдэл дээр тулгуурласан лабораторийн орчинд суралцаж, мэргэжил эзэмшихээс гадна тухайн төрлийн машин механизмуудийг үйлдвэрлэлд хэрэглэдэг аж ахуйн нэгж комданиуд дээр хавар 4 сараас 6 сар хүртэл үйлдвэрлэлийн дадлага хийж, чамлалтгүй сайн туршлагаждаг тул төгсөөд ямар ч газар шууд ажиллах бүрэн боломжтой ажээ.

Өнгөрсөн хавар төгссөн анхны төгсөгчдийн хувьд Ховдын АЗЗА, Алтайн зам, Тулга, мөн Увсын АЗЗА компаниуд дээр үйлдвэрлэлийн дадлага хийсэн байна.

Хүнд машин механизмын оператор мэргэжлийн анги маань 2013 – 2014 оны хичээлийн жилд 30 суралцагчтай хичээллэж байгаа юм байна.

Нэг үеийг бодоход манайд үйлдвэрлэлийн орчинд ажиллах мэргэжилтэй ажилчдын нөөцийг бэлтгэх бааз суурь бүрэлдэж эхлэж байгаагийн нэгэн жишээ нь энэ ажээ

 

                                                                                                                                                                                                                                                 Г.Мөнх

Бүтээгдэхүүн үйлдвэрлэлийг сургалт, дадлагын хүрээнд......

  • PDF

 

Kollej Tsendsuren 01

Kollej Tsendsuren 03Ховд Политехник коллежийн хөдөө аж ахуйн тэнхмийнхэн сургалт дадлага, эрдэм шинжилгээ туршилтын талбай дээрээ Агротехник, хүнсний ногооны фермер, Трактор машинчийн ангийн суралцагчдыг дадлагажуулахын зэрэгцээ газар тариалангийн бүтээгдэхүүн үйлдвэрлэлийг тасралтгүй явуулдаг.    

Тухайлахад энэ намрын сургалт үйлдвэрлэлийн дадлагаар Арван мянгатад байрлах жимсний 4 га талбайд чацаргана, яст жимс, үхрийн нүд зэрэг жимс тариалж үхрийн нүд 136 кг, чацаргана 57 кг –ийг, Буянт суманд байрлах жимс болон хүнсний ногооны 32 га талбайд хүнсний ногоо, овъёос, хөх тариа арнитик тариалж, овъёос 3 тн, хөх тариа 3тн, төмс 9тн, манжин 2тн, лууван 5тн, арнитик 32О кг –ийг хураан авчээ.

Эдгээр ажлын С.Ширбазар, М.Мөнхжаргал нараар удирдуулсан Агротехникийн 2-р ангийн оюутнууд, Хүнсний ногооны фермер, Трактор машинчийн ангийн суралцагчид хавар, намрын сургалт үйлдвэрлэлийн дадлагаараа хийж гүйцэтгэсэн байна.


 

Цахимтоль

 

 


УИХ-ын дарга “Цахим -Эко ном” уншихыг уриалжээ

  • PDF

123456658

Жил гаруйн өмнө Монголд нэвтэрсэн ухаалаг төхөөрөмжүүд дээр уншдаг цахим номыг УИХ-ын дарга З.Энхболд цахим хуудсаараа дамжуулан ихэд олзуурхжээ. Байгаль орчинд ээлтэй энэхүү цааснаас татгалзсан цахим ном давуу тал ихтэй болохоор уншигч, хэрэглэгчдийнх нь тоо ч өдрөөс өдөрт өсөн нэмэгдсээр байгаа ажээ. Цаг хугацаа хэмнэхээс эхлээд хүргэлтийн үйлчилгээний хөлс төлөхгүй гээд орчин үеийн хамгийн дэвшилтэт технологийн шийдлээр хийгдсэн уг номыг Мөнхийн үсэг группийн ВиЭсЭм ХХК-ийн IT инженер залуус бүтээжээ. Ухаалаг гар утас, Ipad, Iphone таблеттай хэнбугай ч az reader гэсэн аппликейшнийг суулгаад www.bookstore.mn сайтаас хүссэн номоо татаж авч уншиж болох юм байна.  

                                                                                                                                                         Г.Ганаа      

Сарны гадаргын талаарх шинэ мэдээлэл ил боллоо

  • PDF

Нийтлэлийг: nationalgeographic.mn
Гэрэл зургийг: AP/NASA

Garag erhis

АНУ-ын Сан Франциско хотноо болж буй Америкийн геофизикчдийн зөвлөлийн ээлжит хуралдааны үеэр танилцуулсан мэдээлэл олны сонирхлыг нэлээд татаж байна. Энэ оны эхээр сар руу хөөргөсөн NASA-гийн Эбб, Флоу хэмээх ихэр сансрын аппаратаас ирүүлсэн дэлгэрэнгүй газрын зураглалаас дэлхийн дагуулын гадаргын талаарх сонирхолтой дүр зургийг харж болохоор байгаа ажээ.

Эрдэмтдийн мэдээлж буйгаар сар нь үүсч бий болсон анхны үедээ ихээхэн бөмбөгдөлтөнд өртөж байжээ. Сарны өнгөн гадаргын доор асар ихээр ан цав гарч, сүйдсэн гүн хэсэг нуугдаж буй нь нотлогдсон бөгөөд ингэснээр бусад гаригууд, тэр дундаа дэлхий нь үүсэн бий болсон анхны үедээ солирт мөн ихээр бөмбөгдүүлж байсныг илтгэж байгаа юм.

Эбб, Флоугийн илгээсэн мэдээллээс үзвэл сарны гадарга нь урьд төсөөлж байснаас хамаагүй нимгэн буюу ердөө 25 милийн зузаантай аж.
Сарны таталцлын хүчийг өмнө нь судалж байсан ч Эбб, Флоу нь зөвхөн энэ зорилгоор хөөргөсөн анхны аппаратууд билээ. Угаалгын машины хэмжээтэй тус хоёр аппарат нь сарны гадаргаас 35 милийн зайд тойрон эргэлдэж байгаа юм.

Энэхүү судалгааны ажил энэ сарын сүүлч буюу Эбб, Флоу хоёр сарны гадарга дээр унаж сөнөх хүртэл үргэлжлэнэ.

Цаг агаарын мэдээ